မပြောင်းမလဲဖန်တရာထပ်နေတဲ့မွေးရပ်ရေပြင်ငယ်ကို
စူးစမ်းရှာဖွေမယ့်မျှော်လင့်ချက်တွေနဲ့စွန့်ခွာရင်း
ရေစုန်ကိုအများနည်းတူစီးချက်ကျမျောလွင့်ကခုန်ပြီး
ဆန်းပြားတဲ့ပင်လယ်ပြင်ရဲ့ရောင်စုံပန်းချီကားချပ်ကို
ကာရံမဲ့စုပ်ချက်တွေနဲ့စိတ္တဇဆန်ဆန်ပုံဖော်ခဲ့လေရဲ့
ပြီးတော့ ..
အဖြူရောင်အိပ်မက်တွေအရောင်လွင့်ခဲ့တယ်
အပြောင်းအလဲတွေနဲ့ခြေကုန်လက်ပမ်းကျပင်လယ်ကြီးကို
အပေါင်းဖော်ဟောင်းတွေစိတ်ဓာတ်ကျလှည့်ပြန်ခွာရင်း
ရေဆန်ကိုငိုရိုက်သံတွေနဲ့အရှုးံမပေးကူးခတ်တိုက်ပွဲဝင်ပြီး
ရိုးစင်းတဲ့မွေးရပ်မြေရဲ့နောက်ဆုံးရောင်စုံဆည်းဆာကို
သံစဉ်မဲ့ကူးခတ်တိုက်ပွဲဝင်ရင်းလမ်းပျောက်ခဲ့လေရဲ့
နောက်တော့ ..
အိပ်မက်တွေကိုပြန်လည်လျှော်ဖွတ်ကျပြန်တယ်
No comments:
Post a Comment